Open Data

Zer da Open Data?

ireki.araba.eus atariko Arabako Foru Aldundiaren Open Data (datu irekiak) ekimenaren xedea da datu eta informazio publikoak herritarren eskura egotea.

Informazioa era irekian eta berrerabilgarrian argitaratzen da, eskuragarri egon dadin honako hauetarako:

  • kontsultatu ahal izateko
  • datu berrien bidez aberasteko
  • aplikazioetan eta zerbitzuetan berrerabiltzeko

Nork izan dezake interesa datu irekietan?

Administrazioaren datuak erabilita beste zerbitzu edo produktu bat sortu nahi dituen edozein pertsonak erabil ditzake datuak.

Zein dira helburuak?

  • Foru Administrazioa gardena izatea, argitaratutako datuak kudeaketa publikoa aztertzeko eta ebaluatzeko erabil daitezen.
  • Balioa eta aberastasuna sortzea, enpresek eta, oro har, herritarrek datuetatik eratorritako produktuak garatzeko.
  • Beste administrazio batzuekin batera aritzea, hainbat administrazio publikoren datuak erabiltzen dituzten herritarrentzako zerbitzuak sortzen laguntzeko.
  • Administrazioaren barruko informazioa antolatzea, datuen dokumentazioa eta sailkapena eraginkorra izan dadin.