Langile gehienak funtzionarioak dira. Iraunkorrak izan daitezke (karrerako funtzionarioa) edo aldi baterakoak (bitarteko funtzionarioa). Bi kasuetan sarbidea oposizio sistema bidezkoa da edo lehiaketa-oposizio bidezkoa; horrek aukera berdintasuna bermatzen du, merituaren eta gaitasunaren irizpide objektiboei jarraikiz.

Behin-behineko langileak: Kargu publikoentzat konfiantzazko edo aholkularitza bereziko eginkizunak betetzen dituzten langileak dira. Administrazioarekin duen lan erlazioa automatikoki amaitzen da laguntza ematen dion agintaritzak kargua uzten duen unean.

Langile liberatuak: jarduera sindikalean langileak ordezkatzeko eta haien eskubideak defendatzeko dedikazio esklusiboa duten funtzionarioak dira.