Ondarearen Kontu Orokorrean, ekitaldian zehar izandako mugimenduak eta abenduaren 31n Arabako Foru Aldundiaren eta haren erakunde autonomoen ibilgetuaren aktiboen egoera jasotzen dira.

Foru Gobernu Kontseiluaren 15/2024 Foru Dekretuan, onartu zen foru ondareko ondasunen eta eskubideen inbentario orokorra arautzen duen erregelamendua. Arautegi honen xedea da hauexek ezartzea: foru ondarearen ondasun eta eskubideen inbentario nagusiaren eta Arabako Foru Aldundiaren eta foru erakunde autonomoen inbentarioen antolaketa, osaera, funtzionamendua eta alta, baja, eguneratze, aldaketa eta onespen prozedurak.

Foru Aldundiak jabetzako ondasun higiezinen eta eskubide erreala daukan ondasun higiezinen zerrenda argitaratzen du, honako hau adierazita: bakoitzari ezarritako erabilera edo zerbitzua, bakoitza atxikita dagoen saila edo erakundea.

Foru parke mugikorra osatzen duten ibilgailuei buruzko egungo informazioa ere hemen argitaratzen dugu.

Azkenik, argitaratzen ditugu Arabako Foru Aldundiak egiten dizkien dohaintzak irabazi asmorik gabeko fundazioei, erakundeei eta elkarteei, baita bestelako erakunde publikoei ere, Arabako Lurralde Historikoaren Ondareari buruzko martxoaren 27ko 11/2019 Foru Arauaren 64. artikuluaren arabera.