Araban Euskararen Erabilera Sustatzeko Plan Estrategikoa 2025-2029 lerrotuta dator 2023-2027 Legealdirako indarrean dagoen Arabako Foru Aldundiaren Gobernu Planarekin, non honako helburua jasotzen den:

“Euskara Arabako herritarren nortasun eta kohesio-ezaugarri gisa sakontzea.”  

Eta bere baitan bi jarduera-ildo proposatzen dira:

• Gazteak euskaraz bizitzeko espazioak sortzea, arlo digitalari arreta berezia jarriz.
• Euskararen zeharkakotasuna sustatzea gizartearen esparru guztietan, kohesio globalerako tresna gisa.

Arabarekin eta arabarrekin dugun konpromiso horren aurrean Arabako Foru Aldundiak, Euskararen Foru Zerbitzuaren bidez, hurrengo bost urteetarako plana prestatu du, AROA marko estrategiko berriaren arabera, Eusko Jaurlaritzak hurrengo 10 urteotan euskara indarberritzeko eta euskaldunok ahalduntzeko bultzatutako ekimena.

Plana Euskararen eta Gobernu Irekiaren zuzendaritzak egin du (Berdintasuna, Euskara eta Gobernantza Saila).