Parte hartzeak ez du etenik

Zer da?

Herritartasunerako eskola irekiaren euskal ereduaren esperientzia pilotua da Añana Open Eskola.

Eredu hau Arabako Foru Aldundiak eta Vitoria-Gasteizeko Udalak bultzatu dute kosorrera-prozesu baten bidez, hainbat gizarte eragilekin elkarlanean eta OGP Euskadiko 2018-2020 Ekintza Planaren barne.

Eduardo Fernández de Pinedori egindako elkarrizketa, Kuartangoko alkatea eta Añana Open Eskola talde motorreko kidea

Añana Open Eskola, esperientzia pilotua 2019-2020

Uztailaren 4ko foro irekiko erantzunak aztertu ostean, ikastaro pilotua diseinatzen, hari jarraipena egiten eta hura ebaluatzen parte hartzen ari den pertsona taldeak (talde eragilea) IMAJINA Añana ikastaroaren edukiaren proposamena onartu zuen.  Helburua honako hau da: IMAJINA Añana programan parte hartzen duten pertsonak gaitzea, Kuadrillaren erronkei aurre egiteko balio duten proiektuak garatzen laguntzeko.

Lehen saioa

Proposamena Kuadrillako gizarte eta politika arloko eragileen artean zabaltzeko eta jakinarazteko aldia bukatu ondoren, azaroaren 26an herritarren eskola irekiaren lehen saioa izan zen Langraizen. Hogeita hamar bat pertsona agertu ziren deialdira, ideia eta proiektu zehatzekin. Hainbat parte-hartze dinamika erabiliz izan zen interakzioaren ondorioz, lau lantalde abian jartzea adostu zen, honako proiektu hauek garatzeko:

  • Kuadrillako herrien arteko jarduerak
  • Harreman komunikazioak
  • Gazte kluba
  • Lankidetza bidezko gobernantza eredua kuadrillarako

Lantaldeak 2020ko urtarrilean sortu eta hasi dira lanean.

Irakurri lehen saioaren ondorioak eta animatu parte hartzera!

 Bigarren saioa

Otsailaren 6an, Rivabellosan egindako bigarren saioan, taldeek aurrera egin zuten beren proiektuetan. Ekintza-planak ibilibide-orri batean definitzeko, helburuak eta ekintzak zehaztu zituzten.

Sartu Añana Open Eskolaren bigarren saioaren laburpenera eta Añana Eskualdean jaiotzen ari den lankidetza ekosistema ezagutuko duzu.

Hirugarren saioa 

COVID 19ak eragindako ezohiko egoeraren aurrean, talde eragileak erabaki zuen Añana Open Eskolaren jarduerarekin jarraitzea, ahal zen moduan: etxetik. 

Lehenengo urratsa izan zen berriz planteatzea programatutako hirugarren saioa, proiektuko taldeetako parte hartzaileei gizarte trebetasunei buruzko prestakuntza emateko zena. 

Online prestakutza saioa, entzute aktiboa eta enpatiari buruzkoa izeneko prestakuntza saiorako deialdia egin zen martxoaren 31 eta apirilaren 1erako, 8 pertsonatik beherako taldeetan banatuta eta zenbait ordutegitan, etxetik parte hartzen zuten pertsonek errazago izan zezaten lana eta familia uztartzea. 

Deialdiak harrera ona izan zuen, espero genuena baino hobea, bai parte hartzaile kopuruari dagokionez, bai eduki, metodologia eta irakaslearekiko gogobetetze mailari dagokionez. 

Horren parez pare, konfinamendu-denboran, talde eragileak proiektuko taldeen berraktibatzea bultzatu du, koordinaziorako tresna berriak eskainiz. Proiektuko taldeek berriz ezarri dituzte helburuak eta jarduketak, egoera sozial eta ekonomiko berrira egokitzeko eta programa pilotuarekin aurrera jarraitu ahal izateko.

Laugarren saioa 

Balio publikoa sortzeko herritarren partaidetzari buruzko trebakuntza jarduerak egiten jarraitze aldera, Añana Open Eskolak Elkarrizketa Eraginkorrei buruzko prestakuntza lantegia jarri du abian.

Jarduera hori pertsona hauentzat da: sektore publikoko langileak, kargu publikoak dituztenak eta komunikazio gaitasuna hobetu nahi duen edozein pertsona. Izan ere, komunikaziorako gaitasuna funtsezkoa da norberaren helburuak zein helburu kolektiboak lortzeko.

Asmoa da talde txikietan lan egitea, gehienez 8 lagunekoetan. Lana eta bizitza pertsonala uztartzea errazago izan dadin, bi ordutegi proposatu ditugu.

Izenburua: “Elkarrizketa Eraginkorrei buruzko online prestakuntza

Iraupena: 2 ordu

20/05/26, asteartea: 10:00-12:00

20/05/26, asteartea: 17:00-19:00

Izena emateko, idatzi gobernantza@araba.eus helbidera, eta adierazi zein ordutegi komeni zaizun gehien.