2015eko irailean, “Gure mundua eraldatzen: garapen jasangarrirako 2030 Agenda” goiburuarekin, Nazio Batuen Batzar Nagusiak Garapen Jasangarrirako Agenda berria onetsi zuen, 2016az geroztik indarrean dagoena.

Mundu akordio horrek ez dauka aurrekaririk, eta garapen jasangarriaren 17 helburuak (GJH) ditu ardatz, zeinek zehazten baitute zein ibilbide orriri jarraitu behar zaion garapenak bere hiru alderdiak batu ditzan: ekonomia, gizartea eta ingurumenal.

Agendan jasotako ekintza ororen oinarrian bost arlo hauek daude: pertsonak, planeta, oparotasuna, bakea eta aliantzak. Eta, alde horretatik, gobernuei, sektore pribatuari, gizarte zibilari eta pertsonoi inplikatzea eskatzen zaigu agendari zentzua emateko eta han jasotakoa betetzeko.

Arabako Foru Aldundiak Garapen Jasangarriaren aldeko Arabako 2030 Aliantza egin zedin bultzatu zuen, zeinaren jomuga baita agerian jartzea eta eskertzea lurraldeko hainbat eragilek hartu duten konpromisoa eta egiten duten lana garapen jasangarriaren alde eta inor atzean utzi gabe lurralde gisa aurrera egiteko ahaleginak batzearen alde eta xede horiek lortzearren.

Garapen Jasangarriaren aldeko Arabako 2030 Aliantzak traktore izan nahi du garapen jasangarriarekiko konpromisoa zabaldu eta hedatzeko, gure lurraldean eta planetako gainerako herrialdeetan bizi diren pertsonen ongizatea hobetzearren.